Монструмот од Србија кој на ѕверски начин ја уби тригодишната Анѓелина Стефановиќ бил голем фан на пејачката на Гранд, Јелена Марјановиќ која во април беше убиена на сличен начин, пишува српски Курир.
Тоа што ги поврзуваат трите жртви, Анѓелина, Јелена и Драгана Станковиќ (убиство кое го призна по приведувањето) е дека се убиени со тврд предмет по глава и дека им се скршени черепите.
Според информациите на српски Курир, трите убиства биле идентички и дека полицијата испитува дали Владица има врска со злосторството во Борча каде беше убиена пејачката.
- Трите убиства се по многу работи слични: скршен череп на жртвата, убиени на многу свиреп начин на отворен простор и скриени се во близина на река, односно канал, открил извор близок на истрагата за Курир.
Соседите на убиецот раскажуваат дека тој бил голем обожувач на пејачката и дека често зборувал за неа.
- Тој во кафана, кога и да се собереме зборуваше за убиството на пејачката. Велеше дека ја гледал и прател пред да биде убиена, дури знаел и нејзини песни. Повторуваше дека Јелена можел да ја убие само монструм, дека таа била преубава и дека на сликите се гледа дека била добар човек, раскажуваат соседите.
Тие исто така велат дека по убиството на пејачката монструмот секојдневно купувал весници и детално го следел случајот. Кога нема пари, одел до трафика и ја молел продавачката само на момент да ги прелиста весниците за да ги прочита најновите информации за бруталното убиство.
Тој беше толку опседнат што во еден момент се шегувавме дека полудел за неа. Ни беше чудно, додаваат мештаните.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
