Две лица се повредени во сообраќајна несреќа што се случила во 14.15 минути на регионалниот пат Пробиштип – штипско село Крупиште.
Портпаролот на СВР – Штип, Гордана Панајотова информира дека несреќата се случила меѓу товарно возило комби марка „фолксваген“ и автомобил марка „шкода фабија“ и двете возила со скопски регистарски таблички.
Во несреќата се повредени 39-годишниот возач од Штип и неговиот сопатник во „фабијата“, кои со Итна медицинска помош од Пробиштип се пренесени во Клиничка болница – Штип.
– Несреќата се случила во 14 часот и 15 минути на регионалниот пат Пробиштип – Крупиште кај местото Киселиц. Увидот на екипите е во тек за утврдување на причините на несреќата. Очекуваме од Клиничката болница во Штип да нè информираат за карактерот на повредите на двете лица во несреќата – вели Панајотова.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
