Детали за страшната сообраќајка кај Пресека, седуммина тешко повредени

Седум лица се тешко повредени во сообраќајната незгода што денес утрово во 9 часот се случи на магистралниот пат Кичево-Охрид, во близина на планинскиот превој „Пресека“.

Поради сериозноста на здобиените тешки повреди, на Ургентниот центар во Скопје испратени се И.А. (21) и М.С. двајцата од Скопје, Б.С.(25) од скопското село Глумово и Д.В. од струшкото село Лабуништа. Со сериозни тешки повреди, во болницата во Св.Еразмо во Охрид, префрлени се Д.А. и М.Ш. и двајцата од селото Лабуништа и Н.А. (46) од селото Глумово.

-Во сообраќајната незгода учествувале патничко моторно возило марка „Мерцедес“ со италијански национални ознаки управувано од М.В.(51) од струшкото село Лабуништа кое по магистралниот пат се движело од Охрид кон Кичево и патничко возило „Голф“ со македонски национални ознаки управувано од И.А. кое се движело во спротивниот правец. При разминување на двете возила, се случил судар на нивните предни леви страни, информираат од СВР Охрид.

На местото на сообраќајната незгода, извршен е увид во присуство на Јавен обвинител, крим техника и полициски екипи од полициската станица за безбедност на патниот сообраќај од Кичево.

За време на увидот имало мал прекин на сообраќајот, а потоа физичко регулирање од полициски службеник со наизменично пропуштање на патничките и другите моторни возила.

ФОТО: Ѕид на сообраќајниот срам

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.