Полицијата во италијанскиот град Торино запленила 25 килограми кокаин и 35 килограми средство за мешање со дрогата,кои на пазарот дотигнуваат вредност од околу милион евра.
Ова,според тиранската телевизија Ора њус, е најголема количина на кокин запленет во овој италијански град.
Во акцијата уапсени се петмина албански државјани,членови на групата која била поврзана со фамилијата Чапја од албанскиот град Елбасан,позната во медиумите поради меѓусебните убиства.
Акцијата следела по подолга истрага и претходни апсења.
Прв од групата, уапсен пред повеќе месеци бил Сајмир Серјани, познат како Мири и според италијанската полиција се смета за дел од „најсилната криминална албанска фамилија-Чапја од Елбасан“.
Него полицијата го уапсила пред повеќе месеци откако во неговиот автомобил „пежо“ пронашла 600 грама кокаин и 108 илјади евра,како и апарат за броење пари,но и клучеви од станови.
Во текот на истрагата,биле испробани клучевите во многу станови во населба каде најчесто минувал Серјани,по што со еден од клучевите бил отворен стан во зграда, кој бил претворен во лабораторија за дрога.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
