Хрватска го смени законот за лични карти, па од 1 јули ќе имаат нов европски изглед, но и нови правила. Сега и деца под 16 години ќе може да имаат лични карти, за да можат непречено да се движат низ ЕУ без пасош. Детската лична карта би траела 5 години, заради брзото менување на ликот со растење на децата. За сега документот нема да е електронски, но се остава простор натаму да се вгради електронски чип.
-Можноста за електронска лична карта е прв чекор со кој повеќе услуги ќе им се достапни на граѓаните од дома. Ќе може да се користи електронски потпис со што ќе се олесни и бизнисот, но и ќе се расчистува метежот пред шалтерите. Работата ќе се завршува од дома преку компјутер, вели потпретседателката на хрватската влада и министерката за социјална политика и млади, Миланка Опачиќ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
