Eден загинат, четворица повредени – тешка сообраќајка кај Демир Капија

Утрово во 5.20 часот на автопатот А1 Неготино – Демир Капија, во близина на хотел „Парк“, се случи сообраќајна несреќа во која патнички автомобил марка „даеву“ со српски регистарски ознаки удрил лево во заштитната еластична ограда од автопатот и се префрлил на другиот коловоз (автопатот А1 правец Демир Капија – Неготино), информираат од СВР Велес за „Република“.

Во несреќата починало едно лице, а другите четири лица се здобиле со телесни повреди. Сите повредени се пренесени во Медицинскиот центар во Велес.

Увид на местото изврши надлежен јавен обвинител и увидна екипа од секторот за внатрешни работи од Велес.

Во времето од 5.20 – 8.30 часот на правецот Неготино-Демир Капија сообраќајот се одвиваше по една коловозна лента. Коловозот беше расчистен и сообраќајот сега се одвива нормално.

Фото: архива

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.