Може ли да се предвиди смртта: Научниците велат дека може

Постои ли нова фаза во животот која ја најавува смртта? Постои кај винските мушички, тврдат научниците и се прашуваат дали има такво нешто и кај луѓето. Пред околу 25 години се претпоставувало дека постојат две фази во нашите животи – детство и возразен човек.

Поголеми шанси за смрт имале возрасните, но подоцна научниците заклучиле дека постои и трета фаза, т.н. доцен живот во која шансите за смрт се најголеми.

Научниците од универзитетот калифорнија во САД направиле истражување на вински мушички и откриле дека две недели пред смртта одложуваат многу помалку јајца, без разлика на статоста, дали имаат 60 или 15 дена. Значи, независно од староста, во нивните тела нешто се менува две недели пред смртта, а по тоа можело да се предвиди која ќе угине и кога. Ова откритие го нарекле четврта фаза – спирала на смртта.

Со подоцнежните истражувања откриле дека и мажјакот на винската мушичка ја губи плодноста во деновите пред смртта, независно од тоа колку е стар. Така успеале да ја предвидат смртта на сите мушички со точност од околу 80%.

Врската меѓу плодноста и смртта ги заинтересирала и стручњаците кои се обидуваат да сфатат дали може да се принајде врска меѓу плодноста и предвидувањето на смртта кај луѓето и другите живи суштества.

Најдалеку досега дошле до можната поврзаност на силата, координацијата и менталните способности со тоа ќе умре ли човекот сега или подцна. Во Данска е спроведено истражување во дом за стари лица на луѓе на возраст меѓу 90 и 99 години. Неколку години подоцна ги споредиле резултатите  на нивната сила, координација и ментални способности со датумот на смртта. Оние кои имале подобри резултати живееле подолго од другите кои починале по 2-3 недели.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.