Повредена работничка во „Дрекслмаер”

Работничка се здобила со повреда во германската фабрика „Дрекслмаер” во Кавадарци, потврдија од Државниот инспекторат за труд.

– Наш инспектор излезе на местото на настанот. Според нашите првични информации, усната изјава на работничката е дека повредата настанала поради нејзино  невнимание. Инспекторот за безбедност и здравје при работа од Кавадарци констатирал дека машината на која работела работничката била излепена со знаци  за предупредување (опасност), кои треба да се почитуваат. Првично, станува збор за потфатена рака, но повеќе детали не може да се кажат бидејќи во тек е дополнителниот надзор за овој случај – рекоа од Инспекторатот.

Информацијата за повредена работничка во „Дрекслмаер“, попладнево ја потврди и портпаролот на СВР Велес, Анита Стојковска.

– Денеска  во 9.30 часот во Полициска станица Кавадарци пријавено е дека во фабриката  „Дрекслмаер” во Кавадарци при работа повредена е една од вработените и е пренесена во ЈЗУ Општа болница во Кавадарци. На местото на настанот се излезени инспектор за заштита при работа и полициски службеници од Полициска станица – Кавадарци, вели Стојковска.

Од кавадаречката болница изјавија дека работничката била препратена на скопските клиники.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.