Нивес се допишувала со Роналдо – ја уценуваат за 10.000 евра! (ФОТО)

Хрватската старлета Нивес Целзиус на социјалните мрежи објави дека била уценувана и дека непознат маж ѝ бара 10.000 евра за фотографиите од нејзиното евентуално допишување со португалскиот фудбалер, Кристијано Роналдо.

Нивес тврди дека фотографиите се лажни, а таа ги објавила на својот профил на „Инстаграм“. На фотографиите се гледа Нивес додека пишува порака на мобилен телефон на непознат маж, кој бил впишан како К. Роналдо.

– И така денес некој „паметен“ се досетил дека би можел да заработи 10.000 евра. Ми испрати порака да ги откупам своите фотографии или ќе им ги продаде на медиумите. Да, сигурно некој ќе ти ги откупи фотографиите за тие пари. Ајде барем да се обидеше за стотина евра. Да се разбереме, јас не би ти дала ниту паричка, но, можеби, би те ангажирала да ги обработиш фотографиите во „фотошоп“, бидејќи гледам дека тоа уште никој не го прави, а е модерно. Бидејќи си некултурен и нападен нашата соработка не е можна. Ќе те поштедам од трудот да ги испраќаш фотографиите и сама ќе ја објавам фотографијата – му порачала Нивес на својот уценувач.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.