Платеничките пленуми не дозволуваат избори: Ниту студентски лидер не може да се избере достоинствено

СДСМ преку платениците сака да го спречи изборот на нов студентски лидер. Лидерите на сдсмовскиот пленум ја одработуваат платеничката агенда на опозицијата.

„Истите ликови кои можат секојдневно да се забележат на протестите на „Платеничката револуција“ денеска се обидуваат да ги спречат и студентските избори“, пишува порталот Журнал.нет.

Токму Дарко Каевски, потпретседателот на СДММ, можеше да се забележи при обидот на студентскиот пленум да спречи избор на нов ректор на УКИМ пред неколку дена.

Платениците на СДСМ продолжуваат со агендата за уништување на демократијата.  Лидерите на сдсмовскиот пленум кои се дел од платеничката револуција на опозицијата сакаат да ги спречат и легитимните избори за нов студентски лидер.

СДСМ преку платениците сака да го спречи изборот на нов студентски лидер. Лидерите на сдсмовскиот пленум ја одработуваат платеничката агенда на опозицијата, а меѓу најистакнатите може да се забележи Ивана Туфегџиќ, која е член на младината на СДСМ и многу блиска до раководството на партијата, за што потврдуваат и овие фотографии со лидерот Зоран Заев и неговата заменичка Радмила Шекеринска.

СДСМ сака едноумие и исто како и парламентарните сега сака да ги спречи и студентските избори. Токму поради ова, утрово на влезот на кампусот на Универзитетот „Св. Кирил и Методиј“ во Скопје осамна платно на кое пишува „Само СДСМ, Соросовиот пленум и Папуа Нова Гвинеја спречуваат избори“.

Медиумите утрово објавија фатена комуникација помеѓу членови на СДММ, која открива обид за минирање на изборите за нов студентски лидер, односно по наредба на потпретседателот на СДММ, Дарко Каевски, да се даде поддршка на таканаречениот пленум.

Избирачките кутии се поставени на 23 факултети од скопскиот универзитет, а студентите треба да го дадат својот глас за еден од двајцата пријавени кандидати за позицијата претседател на Студентскиот парламент на УКИМ: Стефан Василевски, кој ја има поддршката од шест матични студентски парламенти и Давор Поповски, студент на Факултетот за информатички науки и компјутерско инженерство (ФИНKИ), зад кого застанаа седум матични студентски парламенти.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.