Капелата Чазек е толку морбидна што и фанатици би се откажале од Бога (ФОТО)

Од улица црквата „Свети Бартоломеј” во полскиот град Чермна изгледа дури и како слатка мала незабележлива капеличка, која не се истакнува апсолутно по ништо. Веројатно и би ја одминале без да ја забележите. Но, многу ќе погрешите. Зад нејзините ѕидови се крие морничава тајна.

Позната е како Капела Чазек, што во буквален превод од полски значи Капела на черепите. И името не е случајно, туку навистина е соодветно. Уште од предната страна ќе видите за што станува збор.

Сеќавање на таковината

Ја изградил чешкиот свештеник Вацлав Томашек во 1776 година по пример на Гробната црква на сите свети в Чешка. Сакал и ова здание да биде повеќенаменско – капела која воедно ќе биде и масовна гробница.

Триесетина години миел коски

Ентериерот е украсен со коски од повеќе од 3000 луѓе. Меѓу нив има и жртви од триесетгодишната војна (1618-1648), од Шлеските војни (1740-1763) и жртви на епидемија на колера, чума, сифилис и на умрени од глад. Од 1776 година до 1804 Томашек грижливо ги собирал коските, ги чистел и внимателно ги редел черепите и карличните коски додека не ги покрил ѕидовите и таваните.

Мементо мори

Зошто? Црквата е замислена како олтар на мртвите, а преку изложените черепи свештеникот сакал да им оддаде почит на сите кои страдале од насилство, беда и болести. Исто така, капелата требало да служи како потсетник на жртвите дека еден ден ќе дојде нивното време.

Сифилис на олтарот

Но, Томашек бил многу заинтересиран за бизарни детали на и онака бизарниот потфат. Олтарот, на пример, го резервирал за посебни примероци: неколку деформирани черепи од сифилис, черепот на началникот, неколку дупнати од куршум. По смртта на Томашек на олтарот бил прикачен и неговиот череп.

Но, тоа не е сѐ

Што е уште поморбидно, во криптата под капелата се чуваат уште околу 21.ооо луѓе.
Колку и да е морничава оваа капела обложена со коски, во минатото украсувањето со коски се сметало за оддавање почит. Иако капелата Чазек е единствена во Полска, во Европа има уште пет такви катедрали украсени со коски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.