Сочувство од Вељаноски до претседателот на турскиот Парламент

Претседателот на Собранието на Република Македонија, Трајко Вељаноски денеска испрати писмо за сочувство до Исмаил Караман, претседател на Големото национално собрание на Турција.

– Со длабоко жалење ја примив веста за големата трагедија што се случи по безумните терористички напади во кои животот го загубија голем број невини луѓе на аеродромот во Истанбул, Република Турција. Дозволете ми од името на пратениците во Собранието и од мое лично име да упатам изрази на длабоко сочувство до Вас и до семејствата на невино загинатите од овој грозоморен чин. Искрено се надевам дека ќе најдете сила и волја да се надмине болката предизвикана од загубените животи. Примете ги уште еднаш, екселенцијо, изразите на мое длабоко сочувство, стои во телеграмата со сочувство.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.