Кога им опадна, тие си ја купија: Еве како ќе изгледаа познатите да не си пресадеа коса

Поголемиот дел од машката популација има проблем со ќелавоста, со која порано или подоцна мора да се соочи. Ниту познатите личности не се исклучок, а меѓу нив веќе одамна е популарна трансплантацијата која станува сѐ подостапна и за обичниот човек. На списокот на ѕвезди кои се одчучиле да си ја појачаат косата со по некое влакно се Метју Меконахи, Дејвид Бекам, Роби Вилијамс, Елтон Џон, Вејн Руни и многу други.

На оскаровецот Меконахи косата почнала да му паѓа уште во 1999 година, па се одлучил на трансплантација. Тој пред неколку години беше и прогласен за најсекси маж од магазинот „Пипл“.

Според вкусот на милиони жени, Дејвид Бекам е еден од најголемите фраери во шоу-бизнисот, секако и еден од најзгодните. И за него британските таблоиди на големо пишуваа дека пред да ја скрати долгата коса која ја носеше додека играше за Реал М., почнал да забележува ретчење по што се консултирал за трансплантација.

Слично и Роби Вилијамс, откако експериментираше со разни бои и фризури, морал да се погрижи за обновување на неговата коса.

За овој зафат се одлучија и Мел Гибсон, Боно Вокс, Шон Пен, Џуд Ло, Силвестер Сталоне и многу други. Еве како некои од нив би изгледале кога не би направилe или пред да ја направат трансплантацијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.