Од петок ново поскапување на цигарите во Македонија

Цигарите поскапуваат за три денари по кутија од први јули годинава.

Новата, повисока цена во продавниците на Македонија треба да почне да се применува од петок доколку производителите не решат да ја компензираат.

Зголемување на акцизата за три денари по кутија се предвидува за последен пат ова лето. Од наредниот 1 јули, цигарите секоја година ќе поскапуваат по четири денари за кутија.

Ваквиот тренд на покачување во наредните години драстично ќе ги поскапи цигарите во земјава, па така најскапата кутија цигари, која денес чини 120 денари, за осум години ќе достигне цена од 154 денари.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.