Во вторник, на 28 јуни 2016, со почеток од 20 часот, во Домот на културата „Иван Мазов – Климе“ во Кавадарци ќе биде одржана премиера на театарската претстава „Викенд на мртовци“ по текст на Миле Поповски, а во режија на Милица Гочевска. Претставата се реализира во соработка меѓу Театарот при Домот на културата „Иван Мазов – Климе“ – Кавадарци и Театарската група при Домот на културата „Мирка Гинова“ – Демир Капија.
Во претставата играат: Диме Коцевски, Снежана Карова, Милица Гочевска, Анита Младеновиќ, Видан Станоев, Љупчо Настов, Деан Атанасов, Димче Бањански, Коле Колев, Крсте Мелов, Александар Малинков, Владанка Недева, Валентина Ѓорѓиева, Томе Атанасов, Симона Богева и Кристина Сакалиева. Техничката подршка (сцена, музика, светло) е на Диме Темков и Марјан Тодоровски.
Првата реприза на „Викенд на мртовци“ е закажана веќе за четврток, 30 јуни 2016 година.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
