Ќе скија на вода и ќе јаде белвица – Дино Мерлин доаѓа во Охрид

Балканската музичка ѕвезда Дино Мерлин најави голем концерт во Охрид за 23 јули, за кој веќе се подготвува. Но, пејачот ќе пристигне 4 дена пред концертот за да одмори во Охрид и во Струга.

Организаторите вела дека тој бил скромен во своите барања. Бидејќи бил љубител на зимски спортови, се што побарал е скијање, ама на вода. Мерлин скромно побарал и слободни дена за да ужива во охридската белвица и кафето на Црн Дрим.

Тимот на Дино Мерлин од Скопје, најави концерт кој што ќе трае цели 3 ипол часа и тоа пополнети само од Дино Мерлин, кој нема да има ни гости ни предгрупа.

Цената на влезниците за концертот е 650 денари за партер, 1.000 денари за фан-пит кој e ограничен на 2.500 влезници и ВИП влезница која чини 1.500 денари и до која можете да се стигне само преку резервација.

Студентите ќе можат да купат влезница со попуст од 15% и тоа во самите студентски домови.

Картите се продаваат низ сите маркети „Тинекс“, Розе Веро 2, Југотон и локални киосци, а влезница како и концертни реквизити и сувенири ќе можете да набавите на самиот плоштад во Охрид, од 23.06 до 23.07.

Почетокот на концертот е закажан за 21.30 часот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.