Не претерувајте: Еве на колку степени треба да е наместен клима-уредот

Неправилната употреба на клима-уредот може да биде кобна по вашето здравје. Затоа е многу важно да се кога и како да го користите овој апарат.

Првата грешка што се прави е претераното ладење на просторијата. Важно е да не правите „фрижидер“ од вашиот стан, канцеларија или автомобил.

Разликата меѓу температурата во просторијата и надворешната температура не треба да биде поголема од 10 Целзиусови степени, а идеални се пет степени поладна просторија.

Но, ова правило не важи ако надвор е 40 степени, како деновиве. Тогаш температурата се поставува меѓу 21 и 26 степени. Под 21 степен веќе е екстремно ниска температура, која не е добра за здравјето.

Посебно треба да се внимава при влегување и излегување од топло на ладно и обратно.

Кога се излегува на отворено, треба да се исклучи климата и да се почека 10 минути, па да се излезе надвор. Обратно, кога се влегува дома, да не се вклучува веднаш клима, туку да се почека 10 минути за телото да се стабилизира.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.