Новите промени од „Фејсбук“ деновиве веќе почнаа да се достапни за дел од корисниците на „месинџер“. Наместо како досега апликацијата да ги покажува пријателите со кои до сега сте се допишувале, „месинџер“ воведува нови опции со кои настојува да ја подобри услугата на истите.
Сега на почетната страна ќе имате и разни поткатегории како опцијата „фаворити“ и „моментално на мрежа“ во кои ќе можете да видите личности со кои најчесто се допишувате или кои моментало се наоѓаат на „Фејсбук“. Исто така, веќе никогаш нема да заборавите да честитате роденден бидејќи во месенџерот се наоѓа потсетник и за тој настан.
- Начинот на кои ги читате пораките на „месинџер“ не се променил откако паметните телефони дојдоа на пазарот и време е некој да се сети на поинаква апликација. Токму затоа претставивме неколку модули, кои имаат за цел да внесат малку разноликост во „месинџер“. Во следниот период ќе додадеме уште подкатегории и ќе се обидеме да го смениме изгледот на оваа апликација – изјави Стен Чудновски, главен развојник за „месинџер“ на „Фејсбук“.
Доколку се уште ја немате новата верзија на вашиот телефон, не морате да се грижите, бидејќи таа ќе биде надрградена автоматски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
