Маж во Франција прободе девојка како жртва за Рамазан

Маж со ментални проблеми прободе 19-годишна девојка во францускиот град Рен.

На полицајците тој рекол дека гласовите во главата му наредиле да принесе жртва за светиот месец на муслиманите Рамазан, соопштија од обвинителството во градот. Раните со кои се здобила девојката не се опасни по живот.

Напаѓачот веднаш е испратен на психијатриско одделение. Тој досега повеќе пати лежел на психијатриското одделение. Тој ја пробол девојката два пати во зглобот и еднаш во стомачната област. Таа не е во животна опасност.

Ова е втор напад за 24 часа во Франција. Вчера џихадист уби брачна двојка полицајци во мал град во околината на Париз.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.