Охриѓанка тешко повредена во сообраќајка – излетала од пат и удрила во патоказ и во дрво

Млада охриѓанка е тешко повредена во сообраќајната несреќа што се случила вчера во 18 часот и 50 минути на регионалниот пат Св. Наум – Охрид кај Хидробиолошки завод, од правец на Пештани кон Охрид.

Дваесет и седумгодишната девојка загубила контрола над автомобилот „шкода фелиција“ и со левиот дел од автомобилот удрила во рабник на левата страна, по што возилото се занесло преку коловозот и излетало надвор од коловозната лента удирајќи во патоказ и во дрво.

Повредената, со тешки телесни повреди, повеќе фрактури и повреда на внатрешни органи, со возило на брза помош била пренесена во медицинскиот центар Охрид оддел за хирургија каде и била укажана неопходна медицинска помош. Оттука, поради сериозноста на повредите е пренесена на клиниките во Скопје на натамошно лекување.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.