Џихадистите фатени во тесно: Еве како се одвива офанзивата кон главното упориште на ИСИС (ВИДЕО)

Голема офанзива се одвива во провинцијата Рака, силите на Асад за 48 часа навлегоа дури 75 километри.

Руската новинска агенција објави видеа на кои може да се види брзиот напредок на сириската армија против џихадистите на Исламската држава. Во моментов операцијата е насочена кон заземање на клучните населби околу главниот град на Исламската држава – Рака.

На видео снимките можат да се видат возила, тенкови и артилерија на сириската армија како заземаат позиции за напад на ИСИС кај Закијах, стратешко место на самата граница помеѓу двете сириски провинции, Рака и Хама.

Локални извори пренесуваат дека сириската војска во последните 48 часа напредувала дури 75 километри длабоко во внатрешноста на провинцијата Рака. Напредокот на сириската армија е поддржан од бомбардирања на руското воено воздухопловство.

Офанзива на Рака – Сириските сили со поддршка на руските бомбардери напредуваат од југ, а од север напредуваат Курдските и арапските сили поддржани од САД.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.