Отворен конкурс за зелени бизнис идеи

Здружението  за  социјални  иновации „АРНО“ распишува конкурс за  зелени бизнис идеи  кои  промовираат  традиционална  изработка  на производи кои користат ресурси од локалната заедница и кои потикнуваат иновативни идеи за развој на животната средина.

„Филантропија преку зелени идеи“ е годишен конкурс кој поддржува  развој на мали, локални одржливи бизнис идеи во Албанија, Косово, Македонија, Црна Гора и Србија. Секоја година по тројца претставници од секоја од земјите се натпреваруваат на регионален натпревар со најразлични зелени бизнис идеи, а победниците добиваат по 10.000 долари за реализација на идејата во своите земји. Сите детали за конкурсот се наоѓаат на веб страницата www.arno.org.mk.

Според координатор на проектот Ирина Јаневска, важно е идејата  да  има  општествено  корисна  компонента и  бизнис  логика, а идеите  се оценуваат и во однос на тоа колку ја подобруваат околината, природата,  односно не и штетат.

На минатогодишниот натпревар победници беа и македонската кооператива „Наша добра земја“ кои имплементираа проект за поддршка на мали органски произведувачи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.