Молдавија: Се урна романски хеликоптер за итна помош, четири лица загинаа

На крајот од селото Харагас, на југот од Молдавија, денеска се урна хеликоптер на романската итна помош, при што загинаа четири лица.

Американските медиуми пренесуваат изјава од првиот човек на Харагас, Јуриј Балануте, кој кажа дека хеликоптерот се урнал поради густа магла и дека паднал во блиската шума.

Портпаролот на итните служби на Романија – СМУРД, Георге Хангану, изјави дека хеликоптерот превезувал болно лице од ова подрачје во главниот град на Молдавија, Кишењев.

Американските медиуми наведуваат дека Романија има спогодба со Молдавија за превоз на итни случаи на молдависките пациенти

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.