Љубоморен маж со нож ги нападнал љубовниците на неговата сопруга

Вчера наутро во периодот од 07.30 до 08.30 часот во гостиварското с.Скудриње, 41-годишниот А.Ш. со нож му нанел убодна рана во пределот на вратот на А.А. (46), а на Е.И. (26), мала рана на левата рака.

А.А. со возило на итната медицинска помош бил пренесен во Здравствениот дом во Ростуше од каде што е препратен и задржан во Ургентниот центар на КАРИЛ во Скопје.

А.Ш. во 08.40 часот е приведен во полициската станица во Ростуше. Како причина за нападот А.Ш. ја навел евентуалната повеќегодишна љубовна врска на повредените со неговата сопруга.

По овластување на Јавен обвинител увид извршила екипа од ПС Гостивар, а судија на претходна постапка му одредил мерка притвор во траење од 48 часа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.