Викендов се игра ракометниот фајналфор во Келн

Четири екипи викендов ќе се борат за титулата во ракометната Лига на Шампиони.

Завршниот турнир се игра во „Ланксес Арена“ во Келн, а главната четворка ја сочинуваат полски Киелце, франциски ПСЖ, германски Кил и унгарски Веспрем.

Од учесниците, само екипата на Кил до сега била европски шампион и тоа три пати (2007, 2010 и 2012 година). Тринаесет екипи по еднаш биле европски шампиони, а најуспешна екипа е Барселона со девет трофеи.

Откако е воведен овој формат на завршен турнир во Келн, ниту една екипа не успеала да го одбрани трофејот, а тоа секако ќе биде случај и годинава, бидејќи актуелниот европски првак Барселона беше елиминирана во четвртфиналето.

Во полуфиналните натпревари денеска од 15:15 часот ќе играат Киелце и ПСЖ, а од 18:00 часот е дуелот меѓу Кил и Веспрем.

Финалето е закажано за утре во 18:00 часот, а од 15:15 часот е дуелот за третото место.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.