Teрористите најчесто патуваат како невини мигранти со деца

Криумчарите на луѓе во последните два месеца се се поактивни на брегот на Либија и при тоа не ги транспортираат само тие кои бегаат од војната туку и оние кои ја предизвикаа војната, припадниците на Исламска држава.

Си-Ен-Ен јави дека џихадистите кои сакаат со бродови да стигнат до Труција, до Грција или до Италија подготвени се добро да платат односно за група од 25 луѓе плаќаат 40.000 долари.

Неименуван американски претставник за Си-Ен-Ен изјави дека само прашање на време е која ИД ќе уфрли свои борци меѓу мигрантите кои со бродови пристигнуваат од Либија во Европа.

– САД и Европа мора да реагираат заедно и тоа брзо. Состојбата е алармантна, бидејќи не станува збор за еден или двајца кои се обидуваат да се уфрлат меѓу мигрантите, туку тоа се цели групи, истакна неименуваниот извор.

Либиецот Абу Валид за Си-Ен-Ен изјави дека не само од Либија туку и од Тунис  џихадистите со бродови се обидуваат илегално да стигнат до Европа.

Претставникот на либиската разузнавачка служба Исмаил Шукури изјави дека џихадистите најчесто патуваат со семејствата, без оружје, како мигранти.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.