Ципрас: Зацврстувањето на односите со Русија е стратешки избор на Грција

Грција и Русија синоќа усвоија заедничка политичка декларација на крајот од средбата меѓу грчкиот премиер Алексис Ципрас и рускиот претседател Владимир Путин во Атина.

Двете страни исто така потпишаа договор за основните услови за испорака на сирова нафта и нафтени производи. Договорот го потпишаа претседателите на „Росњефт“ Игор Сечин и компанијата „Хеленик петролеум“ Јоргос Стергиулис.

Грчката и руската Влада усвоија и заедничка декларација за партнерство, план за руско-грчките односи во сферата на земјоделството и туризмот.

– Сакам да потенцирам дека зацврстувањето на односите со Русија е наш стратешки избор. Имаме историски, блиски верски и духовни врски. Пред нас е можноста да го надградима економското партерство, да ја зголемиме стабилноста во регионот и во светот, истакна Ципрас.

Тој додаде дека Грција може да биде мост за соработка меѓу Европската унија и Русија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.