Град Скопје ги известува граѓаните дека претстојниот викенд ќе се врши второ прскање годинава против возрасни форми на комарци на подрачјето на град Скопје.
Вториот наврат на аеросолната дезинсекција (авионска) во 2016 година, на подрачјето на град Скопје, против возрасни форми на комарци, ќе се одвива на 28.05.2016 (сабота) и на 29.05.2016 (недела), во период од 5:30 до 10:00 часот.
Аеросолната дезинсекција (терестрична) ќе се одвива во деновите од 29.05.2016 до 02.06.2016 (од недела до четврток), во период од 23 до 4 часот наредниот ден.
Доколку временските услови не го дозволуваат вршењето на аеросолната дезинсекција, авионската дезинсекција ќе се изврши првиот нареден ден кога временските услови ќе бидат поволни.
Во соопштението на Град Скопје се известуваат пчеларите навремено да ги преземат потребните мерки за заштита на пчелите.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
