Наполи порачува: Игуаин не е на продажба

Раководството на Наполи нема намера да го продаде Гонзало Игуаин без оглед на интересот од бројни европски гиганти. Арсенал, Челси, Манчестер јунајтед и ПСЖ сите подготвија понуди над 50 милиони евра за Аргентинецот, но „наполитанците“ немаат намера да се разделат од голгетерот кој имаше историска сезона во Серија А.

– Ставот на нашиот клуб е јасен, Игуаин има договор со Наполи, а ние немаме намера да го продадеме бидејќи тој е клучен играч. Затоа, пораката до сите заинтересирани екипи е да ги тргнат рацете од Игуаин – порачаа од управата на Наполи.

Највисоката понуда досега е добиена од Пари сен Жермен, во висина од 60 милиони евра, што е далеку од откупната клаузула во договорот што Аргентинецот го има со „наполитанците“.

– За да нема недоразбирања и бројни шпекулации со сумите, сакаме да потенцираме дека во последниот договор меѓу Наполи и Гонзало Игуаин постои клаузула според која овој договор може да се раскине со уплата од 94 милиони и 736 илјади евра на нашата сметка – потенцираат челниците на Наполи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.