Македонскиот Олимписки Комитет во 2017 година ќе биде домаќин на најистакнатите луѓе од светот на олимпизмот. МОК ја доби честа и довербата да биде организатор на 38-та сесија на Европските олимписки комитети (ЕОК), која ќе се одржи во хотелот „Мериот“ во Скопје. Ова беше одлучено на 37-та сесија на ЕОК, која се одржа во Тарагона, Шпанија, на која учествуваа Генералниот секретар на МОК, д-р Сашо Поповски и спортскиот директор на МОК, Владимир Богоевски.
На оваа сесија учествуваа преку 200 претставници од Европските олимписки комитети, од Меѓународниот олимписки комитет (ИОК) и Асоцијацијата на Националните олимписки комитети, од Светската анти-допинг агенција (WADA), Судот за спортска арбитража (CAS), претседатели на Меѓународните и Европскитe спортски федерации, Организационите комитети на Олимписките игри Рио 2016, Пјонг Чанг 2018, Токио 2020, на Европските игри 2019, Медитеранските игри Тарагона 2017, Европскиот младински олимписки фестивал Ерзурум 2017 (зимски – Турција) и Ѓер 2017 (летен – Унгарија), Сараево 2019 (зимски) и Mинск (летен – Белорусија) и многу други.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
