Вардар Јуниор го победи Пролет и обезбеди опстанок во Супер лигата

Екипата на Вардар јуниор го совлада Пролет со 23:17 во 6. коло од плеј–аутот во Супер лигата на Македонија, со што и математички го загарантира опстанокот.

Вардар јуниор и понатаму е втор, но сега има 34 бода со три преостанати кола до крајот на сезоната, а претпоследниот Борец има 20, што е недостижна разлика.

Денеска играат Борец – Пелистер, колото ќе се комплетира утре со средбата Металург 2 – Радовиш.

Лидер е Пелистер со 36 бодови, трет е Радовиш со 27 бода колку што има и четврто пласираниот Пролет. По Борец, кој е петти, последен е Металург 2 со само еден бод.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.