Скопјанец пронајден во несвест пред станот во пламен

Откако вчера околу 10.00 часот на ул.„Ангел Димовски“ во Скопје, во стан сопственост на Пензионерскиот дом од Аеродром, а во кој живеел С.К. (63), соседите почувствувале чад во ходникот и во влезот, се упатиле кон станот. Пред вратата го затекле С.К. легнат на подот со повреда на левата рака, а од станот излегувал чад и во делот на креветот имало пламен.

Од екипа од итната медицинска помош С.К. бил пренесен во Ургентниот центар во Скопје, а поради сериозноста на повредата бил задржан на понатамошно лекување. Од екипа на БППЗ-Скопје пожарот бил локализиран.

Се работи на целосно расчистување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.