ММФ ги повика земјите од еврозоната да почнат преговори со Грција за ублажување на нејзиниот долг

Меѓународниот монетарен фонд ги повика владите од еврозоната да започнат преговори со економски разнишаната Грција за ублажување на нејзиниот долг, потврди за германската агенција ДПА портпаролот на ММФ.

Тој соопшти дека писмо со ваква содржина било испратено од шефицата на ММФ Кристин Лагард до министрите од 19-те земји од еврозоната. Лагард пишува дека олеснувањето на долгот треба веднаш да биде ставено на маса. Во спротивно продолжувањето на учеството на ММФ во третата спасувачка програма за Грција е се става под сомнеж.

Атина и нејзините меѓународни кредитори со месеци се обидуваат да се договорат за структурни реформи и мерки за штедење, што ќе овозможи на речиси банкротираната грчка влада да продолжи да добива финансиска помош. Расте и загриженоста дека Грција повторно е на работ на банкрот. Министрите за финансии од еврозоната ќе имаат специјална средба во понеделник попладне за да се информираат за напредокот во преговорите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.