Масовна евакуација во Канада – поради пожар 100.000 жители ги напуштија домовите

Поради голем пожар кој поради ветерот и високите температури на воздухот неконтролирано се шири наредена е евакуација на околу 100.000 жители од канадскиот град Форт Макмари.

Тоа е најголема евакуација во историјата на Канада, а властите предупредуваат дека ситуацијата би можела да влоши.

Засега нема повредени лица, а околу 80.000 луѓе веќе ги напуштиле домовите.

Во само едно предградие огнот уништи 80 проценти од домовите, а значително оштети имоти во низа населби во градот во областа Алберта.

Пожарот неконтролирано се шири поради ветерот што дува со брзина од 50 километри на час и многу брзо се проширува кон населените подрачја. Покрај ветерот во областа е забележана и рекордно висока температура за ова време од годината – 30 степени Целзиусови.

Во гаснењето на огнот ангажирани се девет канадери, десерина хеликоптери и околу стотина пожарникари, а 160 полицајци ја спроведуваат евакуацијата.

Нафтените компании веќе поставија засолништа во своите населби за работниците. Алберта е индустриска област кадесе наоѓаат голем број нафтени наоѓалишта. Резервите на нафта во тој дел на Канада се трети по големина во светот, зад Саудиска Арабија и Венецуела.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.