Натпревар за мини видеа на тема „Слобода на изразување“

Францускиот институт во Скопје, во соработка со асоцијацијата „Метаморфозис“ и регионот Нормандија го организира второто издание на конкурсот „Моето мини-видео“.

Годинава темата е „Слобода на изразување“. Конкурсот е отворен за младите од 18 до 28 години, по можност франкофони или англофони, кои се интересираат за мултимедијалната сфера.

Потребно е да имаат мобилен телефон со камера. Најуспешните мини-видеа, во траење од три минути, ќе бидат прикажани на новото издание на Фестивалот на француски филм, кој ќе се одржи од 15 до 18 јуни годинава.

Победникот на конкурсот ќе биде гостин на фестивалот „Off-Court“ во Трувил, Нормандија, а ќе добие и подготвителни часови по француски јазик од Францускиот институт во Скопје.

Две подготвителни работилници ќе се одржат на 12-ти и 13-ти овој месец, а се наменети за селектираните кандидати со цел да им се дадат упатства за пишување сценарио, за технички совети и практична реализација на видеото. Можни работни јазици ќе бидат француски, македонски, албански и англиски.

Заинтересираните кандидати треба да го преземат формуларот за учество на следниот линк: http://www.ifs.mk/mk/Home/CultureContent/1527 и пополнет да го испратат на следната меил адреса: culture@ifs.mk најдоцна до 6 мај годинава.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.