Еден загинат, шетмина повредени: Невидена експлозија во градски автобус во Ереван

Едно лице загинало, а шест се ранети во експлозија во центарот ерменската престолнина Ереван, изјавија спасувачките служби.

Како што изјавил за агенцијата РИА заменикот директор на спасувачката служба на Ерменија, генерал-мајорот Николај Григорјан, очевидци потврдуваат дека се работи за градски автобус. Експлозијата била толку силна што се слушнала и во соседната населба Арабкир.

Полицијата работи на утврдување на околностите на експлозијата, изјавил шефот на одделот за односи со јавноста на ерменската полиција Ашот Агаронијан, без да ја претпоставува причината за експлозијата.

Министерството за вонредни состојби прецизира дека автобусот бил на дизел погон, и оти истекување на гас не можело да биде причина за експлозијата.

На местото на експлозијата излегле началникот на полицијата на Ерменија, Владимир Гаспарјан, и министерот за вонредни состојби, Армен Ерицјан

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.