Свеченото одбележување на јубилејот „40 години Кинотека на Македонија“ ќе се одржи во просториите на Кинотеката на 27 април (среда), со почеток во 12 часот, кога ќе биде доделена и наградата „Златен објектив“ на македонски автор со особен придонес кон македонската кинематографија.
На 29-ти април 1974 година е објавен Законот за формирање на Кинотеката на Македонија, токму затоа секоја година, април е месец на Кинотеката или најточно речено празник кога уште еднаш, достојно се прославува филмската уметност, националното аудиовизуелно наследство и луѓето заслужни за неговото создавање и чување.
– Имајќи предвид дека една од основните дејности на Кинотеката е чувањето на аудиовизуелното наследство, а секако и паметењето на низата исклучителни македонски режисери, сценаристи, директори на фотографија, монтажери, тонци и актери – секоја година – традиционално ја доделуваме наградата ’Златен објектив‘ – Награда за исклучителен придонес во македонската кинематографија“, велат од Кинотеката на Македонија – велат од Кинотека.
Јубилејната година ќе биде одбележена со Свечена академија по повод 40-годишнината од постоењето на Кинотека на Македеонија и доделување на наградата „Златен објектив“ на македонски автор со особен придонес кон македонската кинематографија.
Исто така, публиката ќе може да ги погледне реставрираните филмови „Хај-фај“ на Владимир Блажевски, „Жед“ на Димитрие Османли и „Татко (Колнати сме, Ирина)“ на Коле Ангеловски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
