Секој сака да биде успешен. Според астрологијата, кога имаме таква желба, може да се каже дека се јавува една планета која ни го праќа тој сигнал. За една личност да биде моќна, славна, популарна и успешна мора да има барем три планети кои ја красат и ѝ даваат таква сила, и тоа Јупитер, Марс и Сатурн. Во продолжение откријте кои се најуспешните три знаци во хороскопот, според планетарните подредувања.
Овен: Лидер
Овенот е пред сѐ храбар. Неговите ентузијазам и одлучност ретко кој друг знак ги поседува. За Овните работата е многу важна и секогаш треба да се заврши. Што и да добие во животот, да направи или да одлучи, тој е знак кој го работи тоа без никакви проблеми и двоумење. Неговата харизма се гледа во неговиот херојски карактер кој сака да победува. Дури и по цена на својот живот, Овенот ќе продолжи да се бори до крајот – тој е бестрашен. Поради тоа помеѓу припадниците на овој знак може да пронајдете лидери, шефови и директори кои не мируваат од моментот кога ќе влезат во фирмата. Ако нешто ветат, тие тоа и ќе го исполнат, но истото го очекуваат и од своите соработници.
Најмногу мразат предавство, лаги и малодушност. Овенот е фантастичен хирург, градежен инженер, војник, војсководец, актер, комичар како Чаплин, љубовник како Казанова и политичар како Хрушчов.
Стрелец: Оптимист
Планетата која владее со овој знак е Јупитер. Стрелецот како и неговата планета е симбол за моќта, успехот и уживањето. Тој е знакот на среќата, веселбата, егзотиката, ја сака храната, пиењето, патувањето, музиката, се бори против неправдата, владее со човековите права и пријателството му е императив. Тој е млад дух со убав естетски изглед, спортска градба, ги сака пламенитите спортови, па затоа тенисот му е еден од омилените. Стрелецот е отмен, аристократ, понекогаш бунтовник, ја почитува традицијата, но сепак сака да оди и по свој пат. Големите награди, медали и воени заслуги што ги добива потекнуваат токму од силниот Јупитер.
Стрелецот не е лесен за соработка и знае да биде доста строг и да казнува. За некој кој по природа е хедонист, нема поголема казна од тоа да се биде без пари и уживање. Животните апетити на овој знак се големи, но тие и се остваруваат. Типичните ѕвезди кои припаѓаат на овој знак се музичките легенди Френк Синатра и Тина Тарнер кои со својот талент се вистински претставници на Стрелецот, како и поради успехот кој го постигнале и кој сѐ уште трае.
Јарец: Владетел
Јарецот е знак без кој едноставно не може да се замисли успехот. Тој се смета за еден од највлијателните знаци во хороскопот. Природното десетто поле или зенитот, врвот и небото припаѓаат на овој знак. Јарецот е пред сѐ знак на дисциплината, моќта, успехот и ако некој сака да биде успешен, тогаш мора да се движи по таа струја. Работата, обуката на работниците и стратегијата му се основни параметри. Јарецот не е знак кој се плаши од стресот или губењето на работата бидејќи таа му припаѓа природно. Тој е предодреден да биде авторитет. Неговиот пат е тежок бидејќи тоа е знак на кармата, искуството од минатото и инкарнациите. Тој е успешен доктор, хемичар, биолог, политичар, адвокат, астроном, банкар, трговец со недвижнини, пејач и композитор.
Можеби еден од најсилните претставници на овој знак е музичката легенда Елвис Присли, кој е еден од ретки Јарци на кои, според астролозите, Сатурн му помогнал да стекне големо материјално богатство.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
