Утврден идентитетот на загинатиот пешак

фото Вечер

Полицијата го утврдила идентитетот на мажот кој утринава беше прегазен кај поранешна Алумина. Станува збор за 65-годишниот Павле Г.

Како што информираа од МВР, Павле утринава околу 9:30 часот бил прегазен на пешачки премин на булеварот „Митрополит Теодосиј Гологанов“ кај поранешна Алумина.

Во него удрил автомобил „КИА“ со скопски регистерски ознаки управуван од 34-годишниот С.И. По несреќата екипа на итна медицинска помош веднаш пристигнала на местото, но обидите за реанимација биле неуспешни.

Телото на починатиот маж е предадено на обдукција, а полицијата работи на целосно расчистување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.