Зоран Божиновски, сопственикот на интернет порталот „Буре весник“, денес е испорачан во Македонија, каде што се бара поради здружување во криминална група, шпионирање и уцена, дознава Танјуг, пренесува Политика.рс.
Српскиот министер за правда Никола Селаковиќ ја потпишал одлуката за екстрадиција на Божиновски по одлуката на судот дека се исполнети условите за негово испорачување.
Божиновски е обвинет во случајот „Шпион“, предмет кој специјалната обвинителка Катица Јанева го побара со намера да го спаси од затворска казна. Тој е еден од 22 лица кои се осомничени и обвинети во акцијата „Шпион“ за изнуда и рекет. Божиновски, кој се водел под името “Луди Милојко”, се сомничи дека преку закани и уцени изнудувал пари од бизнисмени и видни личности.
Божиновски воедно е и лицето кое ги објавуваше аудиоснимките добиени од Захир Бекири Чауш преку посредник од СДСМ.
Сведоци во судскиот случај детално на рочиштата објаснуваа како Божиновски им барал пари за да не објавува наводни афери поврзани со нив, константно вршејќи притисок преку испраќање на електронски и СМС пораки дека ќе ги објави наводните афери на неговиот портал „Буре весник“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
