Грци во првите редови на насилните протести во Битола

Насилните протести во Битола добиаат поддршка од Грци. Најредовен и во првите редови на протестите што ги организираат СДСМ и СОРОС е 54-годишниот солуњанец Марвакис Атанасиос.

Битолани велат дека тој е во постојан контакт со лицата кои ги задолжил Заев да ги организираат вандалските напади врз полицијата и институциите во Битола, што се гледа и на оваа фотографија, на која се гледа Атанасиос на ручек во битолската кафеана „Буре“ заедно со организаторите на насилните протести.

Според објавите на неговиот профил на Фејсбук, може да се процени дека Марвакис Атанасиос е поддржувач на политиките на поранешниот министер за финансии на Грција Јанис Варуфакис.

Неговата профилна фотографија на Фејсбук е од протестите во Шпанија во 2012 година кога државата ја тресеа голем број насилни протести против мерките за штедење и во кои поголем број демонстранти се судрија со полицијата.

Исто така, од она што може да се види на неговиот Фејсбук профил, пишува Нетпрес, Атанасиос јавно пројавува симпатии и за ЛГБТ  заедницата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.