Следува потпишување на договорот со „СТС Текстајл“ за 1000 нови вработувања во Демир Хисар

Навистина правиме се, економскиот тим на Владата каде што ВМРО-ДПМНЕ има најголем дел од министрите, прави максимум да ги задржи инвеститорите со кои што до сега преговаравме, еве последно што објавивме е со позната германска компанија која што се вика „СТС Текстајл“ за Демир Хисар да отворат фабрика, луѓето кажаа дека за почеток ќе отворат 150 луѓе, а дека ќе дојдат до бројка од 1000 луѓе, истакна претседателот на ВМРО-ДПМНЕ, Никола Груевски во гостувањето во Дневникот на Канал 5.

-1000 луѓе за Демир Хисар е сериозна бројка на вработувања. Со нив сме во една подлабока фаза, очекувам некаде за две до три недели да се потпише договорот и некаде во текот на летото да почне производство, да почнат првите вработувања на невработени лица во Демир Хисар и демирхисарскиот регион.

Со многу луѓе, додаде Груевски, владиниот тим е во во финални преговори, со многу компании, меѓутоа ова го става под знак прашање сето тоа и затоа важни се изборите, да помине 5 јуни, да продолжи нашата борба за посреќна и побогата Македонија.

-Посилна држава, со поголем број на работни места кои се нудат и со повисоки плати, да продолжи да функционира Парламентот затоа што без Парламент како што е сега не може ни пензии да се зголемат, не може закони да се носат, не може ни позитивни прописи да се донесат во Македонија кои дополнително ќе и помогнат на различни категории на граѓани, вели Груевски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.