За оние кои слават: Нема секси облека и алкохол за време на тајландската Нова година!

Со декрет потпишан лично од шефот на воената хунта, генералот Прајут Кан-ока, за време на седумндневната прослава на Сонгкран, тајландската Нова година, полицијата ќе ги приведува славениците, кои носат провокативна, секси, облека или пијат повеќе алкохол.

Прославата на Сонгкран, трае седум дена, од утре до 20 април, а покрај убавите фестивалски настани Тајланд овие манифестации ги памети и со преголем број жртви на сообраќајни несреќи, со над 1.000 загинати секоја од последните 10 години..

Од денеска од Бангкок и другите градови илјадници возила се упатуваат кон познатите туристички центри и населбите од кои дошле жителите на градовите. Полицијата со зајакнати патроли и илјадници камери се обидува да го регулира сообраќајот.

Жените и девојките кои според проценките на полицијата и голем број волонтери нема да бидат „соодветно облечени“, ќе бидат отстранети од 40 зони прогласени за масовни шеталишта.

Строго ќе биде контроилано и однесувањето при масовното капење и прскање со вода, едно од обележјата на манифестациите со кои жителите на Тајланд ја испраќаат старата година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.