Доживотен затвор за личниот асистент на Осама бин Ладен

Поранешниот личен асистент на Осама бин Ладен, Вадих ел Хаг, во повторена постапка во судот во Њујорк е осуден на доживотна казна затвор за учество во подготовка на нападите на американските амбасади во 1998 година. Ова е втора пресуда против него во САД.

Ел Хаг, кој е поранешен член на Ал Каеда заедно со уште еден е осуден во 2001 година за учество во бомбашките напади на амбасадите на САД во Кенија и Танзанија во кои загинаа 224 луѓе, а неколку илјади беа повредени.

52 годишниот американски државјанин со либанско потекло тогаш бил осуден за заговор со цел убиство на американски државјани. Откако предметот е вратен на повторено судење во 2008 година, сега е донесена повторно пресуда. Неговите адвокати барале тој да биде крунски сведок, но судијата предупредил дека обвинетиот не изразил жалење за стореното и дека може да го повтори злосторството ако биде пуштен на слобода.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.