Уште полоша слика од вчера, Македонија со негатива од седум гола по првото полувреме со Тунис

Македонската ракометна репрезентација го игра вториот натпревар од квалификацискиот турнир за Летните Олимписки игри во Рио.

Нашите ракометари по првото полувреме имаат негатива од седум гола (17-10) против Тунис, кого мора да го победиме за да имаме шанси за пласман на Олимпијадата.

По првите 30 минути македонските ракометари, како и на вчерашниот натпревар, играат тешко, без конкретна идеја во нападот, со многу слаба реализација и што е најлошо потфрли и нашата одбрана.

Лошо го започнавме натпреварот, во првите 9 минути губевме со 7-1, а по 15 минути игра имавме постигнато само 3 гола. Најмногу што успеавме да намалиме беше на 10-6, но потоа следуваа исклучувањата на Маркоски и Јоноски и Тунис повторно направи поголема разлика.

Останува да видиме дали нешто Обрван и нашите ракометари ќе успеат да променат во второто полувреме. Очекувањата секако се поголеми…

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.