Ја загуби ногата на трагедијата во Бостон, ама пак ќе трча на маратонот

Адријана Хаслет-Дејвис, инструкторка по танц, ја загуби ногата во трагедијата што се случи на Бостонскиот маратон. Но, таа успеа брзо да ги врати духот, вербата и надежта и веќе планира да почне со подготовки за трчање за следниот маратон. Не планира да се откаже и од својата голема љубов – танцот.

Лекарите не успеаја да ѝ ја спасат ногата на 32-годишната Американка. Мораа да ја ампутираат левата нога пет сантиметри под коленото. Иако оваа трагедија во целост и го измени животот, таа не планира да се откаже од она во што ужива.

– Кога танцувам, не чувстувам потреба за ништо друго. Потполно уживам во тоа. Нема да дозволам некој туку-така да ми го украде животот. Повторно ќе танцувам. И следната година ќе трчам на маратонот – изјави Хаслет-Дејвис за „Бостон хералд“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.