Мигрант од Сирија вмешан во нападите во Брисел

Дваесет и осумгодишен Сириец, кој пристигнал во ЕУ како „бегалец“, е меѓу лицата вмешани во нападите од 22 март во Брисел, објавија денеска белгиските медиуми.

Тој во септември минатата година пристигнал на грчки остров со истиот чамец, во кој се наоѓале и некои од напаѓачите во Париз лани во ноември. Неговиот вистински идентитет не се соопштува, а познато е само неговото лажно име со кое се претставувал. Негови отпечатоци се откриени во станот, каде биле подготвувани бомбите што експлодираа во Брисел.

Полицијата поседува фотографија од осомничениот и постои сомнеж дека тој е „мажот со шеширот“ од снимките со напаѓачите од аеродромот „Завентем“.

Бриселскиот аеродром засега останува и натаму затворен и не е познато кога ќе бидат обновени летовите. Метрото во Брисел денеска почна да работи со ограничен режим, при што се отворени само 30 од 69-те станици.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.