Лустриран началник кој врбувал средношколци

Иако се уште не се објавени имињата на поелдните тројца лустрирани, за нивните дела веќе има информации.

Првото лице било републички делегат во Собранието и тоа се јавува како извор и како наредбодавател, значи соработник и наредбодавател. Бил вработен во МВР и стигнал до заменик-началник на еден од секторите во МВР. Тој кон крајот на шеесеттите и почетокот на седумдесеттите години врбувал и следел, најчесто, македонски средношколци во оперативна акција насловена Младинции, а во седумдесеттите години истите активности ги спроведувал и кај албански студенти кои биле на студии во Скопје.

Бил ангажиран за лица за кои постоело сомневање дека делувале од позиции на македонски национализам и сепаратизам, како и за албански национализам и шовинизам. Основните човекови права и слободи ги прекршувал од идеолошко-политички причини.

Второто лице, кое е исто така соработник и наредбодавател, ексдекан на Факултетот за безбедност, било вработено во МВР во повеќе градови низ Македонија и ги прекршувало човековите права и слободи, исто така од идеолошко-политички причини.

Лицето, пак, што е само соработник се јавува во улога на оперативна врска кон крајот на седумдесеттите години и делувало за лица осомничени за албански национализам и шовинизам, како и кај албанската емиграција во странство. Било републички делегат во општествено-политичкиот собор, а извесен период и потпретседател на кичевското собрание.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.