Скопје низ една поинаква призма

Викендов вниманието на посетителите на Средно Водно го привлече уметничката Симонида Филипова Китановска, која на проѕирна површина од големо парче плексиглас, внесена, го сликаше – својот град.

Кога љубопитните ќе ѕирнеа што има на нејзината слика, гледаа нешто што на прв поглед не им паѓаше на ум како асоцијација за нивниот град. Сликајќи го Скопје, Симонида ги нагласуваше сивите облаци, магливиот воздух, загадено Скопје, главна тема во зимскиот период неколку години наназад.

За многумина мистериозната поставка имаше само една силна порака: „Невидливото сè потешко се брише…“, и пак #ОдТебеЗависи.

– Се надевам дека оваа активност ќе наиде на заинтересираност не само кај Скопјани туку кај сите граѓани во земјата. Би била среќна кога би размислиле сите за своите постапки, бидејќи доколку сакаат да му помогнат на својот град во намалувањето на загаденоста, секој прво треба да тргне од самиот себе и своите секојдневни навики. Само на тој начин, масовно здружени, сите заедно можеме да направиме промена во општестовото во кое живееме – изјави Симонида Филипова Китановска.

Симонида ги замисли присутните да се прашаат за што навистина станува збор.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.