„Струпки“ – нова поетска книга од Георги Барбаровски

„Струпки“ е насловот на новата поетска книга од современиот македонски поет, публицист и преведувач, Георги Барбаровски, која излезе деновиве во издание на „Матица Македонска“ од Скопје.

Книгата содржи педесетина песни поделени во четири тематски целини. Кон изданието е поместен и поговор на познатиот поет и литературен критичар Санде Стојчевски, во кој се нагласени високите естетски вредности и оригинални тематски преокупации на авторот.

Георги Барбаровски (Дабиле,1949) и припаѓа на генерацијата македонски поети, која во нашата литература се појави во седумдесетите години на минатиот век. Автор е на стихозбирките: „Око и меч“, „Згром“, „Златен дожд“, „Совршен лов“ и „Пеење и натпевање“. Негови творби се преведни на српски, турски, словенечки, албански, романски, полски и чешки јазик.

Објавувањето на „Струпки“ од Барбаровски е во рамки на јубилејната програма на „Матица македонска“ по повод 25-годишнината од основањето на издавачката куќа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.